| 中秋節俾人放飛機...... 但冇計啦 一個結左婚 奶奶老公詐佢型 我硬係要佢陪我都冇意思 我驚搞到佢離婚呀,哈 話晒都係佢地結左婚ge第一個中秋 我冇理由咁唔通氣嫁 另一個又話岩岩放工好累 唉...算啦 都冇晒mood啦 但佢地話聽晚會陪返我 希望佢地唔好又放我飛機啦 |
| |
| 而家已經係凌晨4點幾.... 但我仲坐係電腦面前 好唔開心,好嬲 嬲到訓唔著 我覺得自己好似俾人恰緊 點解要咁對我? 最後一個月 唔可以俾我留低一d美好ge回憶咩? 如果我同經理講 話死都唔要去土瓜灣 咁到時佢就會叫第二d同事去 講真,冇人想去果個鬼地方 又冇得補返d車費 我唔想d同事覺得我累到佢地要去果度 順得哥情失嫂意 我今晚發晒癲咁狂用粗口鬧個pk經理同老闆 但屋企人都冇乜反應 好歹都安慰我幾句啦...... 我覺得佢地一d都唔關心我 唔開心又可以點...唉 |
| |
| 我期待左成年ge動漫節終於都到啦 可惜...今年唔知行咩野衰運=口= 入場時都唔係好多人 以為有運行(因為之前去都要排勁耐隊-.-) 入到去,人又唔係好多(比起之前) 芝去左天下先 我就去玉皇朝睇下有冇黑執事ge guide book 竟然賣晒左 然後我兜去mega store睇下有冇 竟然又係賣晒!! 黑執事幾時變得咁紅嫁...... 然後芝佢買完佢ge slam dunk 就過黎會合我 原本唔打算係度買野 但我係門口見到周柏豪本相集 d相幾靚,所以決定買佢 點知就係因為呢本野而發生左件不愉快ge事 俾錢時,我本來有100蚊 但我想唱散張500蚊 佢找俾我時,我冇係佢面前數 佢亦都冇係我面前逐張數 淨係係咁易攤開幾張錢 之後我發現佢找少100俾我 然後我同佢理論 點知佢勁串lor 仲搵多兩條8婆黎 仲話我有責任 頂,你做找錢ge冇責任咩? 係度嘈左好耐...都解決唔到 佢地d態度好差lor 我一個人對佢地幾個 講到我好似呃佢錢咁 然後有個比較大粒,講野比較得體ge人黎 講真...我覺得佢係想打發我走多過想幫我=..= 最後留左電話 但總覺得呢100蚊好難拎得返 100蚊買個教訓都好貴下 突然間好鬼憎周柏豪=..= 去到東立又買唔到想要ge野 原來最後一日去係冇運行! 下年我死都唔會最後一日去! 我條氣唔順!! 好唔開心 果三條8婆,鬼唔望你地便秘便到下年呀 本來想放相上黎,但呢度勁慢! 去yahoo blog仲快! |
| |
| 今日返工,遇到一個好有趣ge細路 佢同佢朋友入黎 個細路一入黎問我:d"兵崩波"幾多錢 我話:$7.8 佢再問:咁"兵崩球"拍呢 我答:都係呀 然後佢就掩住半邊咀笑..... 佢笑左好耐.... 而且仲要笑得好開心 我好奇怪佢做乜笑到咁 之後佢朋友對我講:唔好怪佢,佢第一次黎 佢呢句野講得好好笑..... 搞到我都笑埋 可能係d野太平 令到佢有執到寶ge感覺,所以笑到咁開心,哈哈XD |
| |
| 今日約左草同小燕去mk唱k 同佢地唱k真係好開心 唱活著viva...大熱...sugar in the mamarlade 睇見個mv就想笑,哈哈哈 唱完已經3點啦 小燕五點前要走 所以去左新世紀行一陣 去左三聯行 小燕俾左本書我睇 估唔到我一睇就睇左差唔多成個鐘=口= 好想買果本書,但竟然冇睇到個書名就走....... 今年又去唔到書展 好想見梁進真人呀=口= 好想買阿呢精品呀 唉...如果一早有留意書展日期 咁就去到啦! |
| |
